Torra paştdayîşî ya vera vîrusê Korona bena pîlêr

Masaya krîzî ya ke paytextê Almanya Berlin de vera pandemîya vîrusê Korona awan bîye, karê xo zêdînena.

Masaya krîzî ya vera vîrusê Korona ya ke 14ê adare de  Berlin de seba paştdayîşê kurdîstanijan ameye ronayene karê xo zêdînena.

Masaya Krîzî ya Têkoşînê vera Korona rayberîya Merkezê Kurdîstanijan ê Azadan ê Berlinî /NAV-BERLIN ameye awankerdene û hûmara xebatkaranê ci yê zerrîwazan se kesî derbaz kerdî. Mîyanê torra paştdayîşî de doktorî, hemşîreyî, kedkarê weşîye, parlamenterî, rojnamegerî, akademîsyenî û zaf pisporî estê. 

Koordînasyonê Masaya Krîzî vat: ''Heta nika ma hetkarîya tibîye û xizmetê şêwirmendîye yê zaf merdiman kerdî. Seba çareserkerdişê meseleya maskeyan ma dest pê deştişê maskeyan kerde.

Koordînasyonê Masaya Krîzî pare kerd ke Berlin de ê xîret kenê ke dezgehanê bînan reyde xebatanê hemparan bikerê.  Berlinî ra berî Mannheim, Koln, Hamburg, Sachsen-Magedeburg, Leipzig û Halle ra zî înan rê muracatî yenê.

Masaya Krîzî derheqê rewşa nêweşanê ke muracatê înan kerd de nê zanayîşî dayî: ''Berlin de Korona ra merdimêkê ma dinyaya xo bedilnaye. Heta nika Berlin de kesêk nêweşîya Korona ra bi weş, 4 merdimê ma zî binê karantîna de yê. Halle de 30 kesî, Magdeburg de 28 kesî binê karantîna de yê ke têkilîya ma pê înan esta.

Goreyê zanayîşanê Masaya Krîzî 11 kesê ke meseleyanê burokratîkan ra muracatê înan kerd meseleyê 7 kesan ameyî çareserkerdene, ê 4 kesî zî yenê çareserkerdene. Masaya Krîzî îfade kerd ke ê maskeyan derzenê û bêpere vila kenê.

Masaya Krîzî da zanayene ke no krîz hetê psîkolojîyî û mezgî ra tesîrê merdiman keno û ê seba keyeyan û domanan aktîvîteyanê keyeyî pêşnîyaz kenê, karê perwerdeyî reyde seba aramî, hetkarî û paştdayîşê keyeyî zî proje û planan virazenê.

Masaya Krîzî tewrê organîzasyonanê hemparan zî bena. Goreyê zanayîşan aktîvîstê ciwanî yê ke binê sîwana Masaya Krîzî de xebitîyenê destpêkê hewteyî ra dima  dezgehê Malteserî yê Dêrê Katolîkî reyde karê hemparî kenê û kokiman benê keyeyê înan.

Masaya Krîzî pare kerd ke ê amade yê ke paştî bidê pêro hewcedaran.

Telefon û e-maîlê seba têkilîye:

 

E-Mail:

[email protected]

 

Telefon:

Kurdisch-Turkisch-Deutsch:

0177 8207121

 

Kurdisch-Turkisch:

0152 17073357

 

Kirmancki-Turkisch-Deutsch:

176 61259528

 

Kurdisch-Turkisch:

178 3963597

 

Soranî-Arabisch-Deutsch:

0163 7965183