Kurdê Rojawanî Alî Wazîrî seba ke bêvengîya Neteweyê Yewbîyayeyî (NY) ya verba îşxalkarîya Tirkî ya serê Rojawanî protesto biko, verê Ofîsê Cenewre yê NY'yî de bedenê xo da verê adirî, hema zî binê tehlûkeyê mergî de yo. 100 ra 84 bedenê Wazirî vêşayo, Nêweşxaneyo Merkezî yê Zanîngehê Lozanî (CHUV) de weşkerdişê ci dewam keno.

Birayê Wazîrî Mizgîn Waziro ke Swêd de ciwîyeno, ANF'yî rê vat çira birayê ci çalakîyêka winasêne kerde û wextê serebûtî de çi qewimîyayo. Birayê Wazirî Mizgîn Wazirî va: "Birayê mi Alî hêrişanê dewleta Tirkî yê serê Rojawanî ra û bêvengîya NY'yî ra û bêvengîya hêzanê mîyanneteweyî ra zaf qehirîyabi. Keyeyê xo reyde Almanya ra ame zîyaretê ma. Hêrişanê dewleta Tirkî yê serê Rojawanî ra zaf hêrs bibi. Wexto ke ma ci rê vat zaf qesawet keno û bîyo hêrs û ma rê vat, 'Şima qet nêvînenê ke Serêkanîyê de çend şehîdî estî. Dişmeno îşxalkar û zalim şarê ma rê hêriş keno û wazeno ma çin bike." Mizgîn Wazîrî vat gama ke polîsan xebera birayê mi daye  ma va birayê to vato ê bedenê xo seba Rojawanî dayo verê adirî.

Alî wazir aslê xo de Hesekê yê Rojawanî ra yo, zewijnayî yo, babîyê di domanan o. Wazîr 4 serran ra nata Almanya de ciwiyeno.