Grevê vêşanîye yê bêdem-bêdorî yê ke rayberîya parlamentera HDPyî Leyla Guvene de semedê wedartişê tecrîdê serê Rayberê Şarê Kurdî Abdullah Ocalanî Hewlêr, Galler, Strasbourg û zîndanan de ameyî destpêkerdene dewam kenî. Bi tewrbîyayîşê çalakwananê Strasbourgî vernîya Parlamentoya Ewropa de mîtîngêk ame viraştene û azadîya Ocalanî ameye  waştene.

Bajaranê cîya cîyayan ê Almanya, Fransa, Belçîka, Swîsre û Hollanda ra Kurdî û dostê înan vernîya Parlamentoya Ewropa de ameyî pêser. Endamanê Koma Berxwedanî ya pîya xeylî hunermendî zî tewrê çalakîye bîyî. Qiseykerdişan bale anciya rolê Konseya Ewropa û CPTyî ser û înan ra ame waştenê ke mîsyonê xo bica bîyarê û vera tecrîdî tê bigêrî.

HETA ŞIKYAYÎŞÊ TECRÎDÎ DO XOVERDAYÎŞ DEWAM BIKERO

Mîtîng de hemserekê Kongra-Gelî Remzî Kartalî qisey kerd. Kartalî vist vîrî ke grevê vêşanîye çend şino vila benî û vat ke dewleta tirkî bi waştişê girewtişê vernîya xoverdayîşê grevê vêşnayê destûrê pêvînayîşê  Ocalanî da la çalakwanî nêxapîyayî û bi qerardarîya pîle çalakîya xo rê dewam kenî û heta şiktişê tecrîdî do çalakîyî dewam bikerî.

Bi nameyê endamanê Însîyatîfê Ocalanî rê Azadîye yê ke  grevê vêşanîye de yê Gulîstan Îke zî vat ke pêvînayîşo ke bi Ocalanî ameyo kerdene nêvejeno, waştişê ma wedarnayişê tecrîdî yo.

Çalakwanan ra Yuksel Koçî zî vat ke bedelê ci çi beno wa bibo ê do çalakîya xo biresnê serkewtişî.

Temsîlkarê sazîyan û rêxistinanê sivîlan ê Swîre zî tewrê mîtîngî bîyî, çalakwanî zîyaret kerdî û mesajê paştîdayîşî dayî.