Paytextê Avusturya Viyana de kurdîstanijan û tirkîyayîjan bi wesîleya serrgêra Darbeya 4ê Teşrîna Peyêne semedê wayîrvejîyayîşê HDPyî çalakîyêke kerde. Çalakîye de faşîzmê AKP-MHPyî ame şermezarkerdene û ame waştene ke sîyasetmedarê tepişteyî yê HDPyî wa vera bidîyê.

Qiseykerdişan de ame vatene ke HDP vera hêrişanê AKP-MHPyî xo ver dano, beno xurtêr û hema zî hêvîya şaran a.

Wekîlê verênî yê Amedî Zîya Pîrî çalakîye de qisey kerd, venga şorişgêr û demokratanê Tirkîya, Kurdîstanî da û vat: ''Ganî her kes têkoşînê vera faşîzmê AKP-MHPyî her ca de berz bikero û her cayê Ewropa de wayîrê HDPyî vejîyo ke hêvîya şaran a.''