Vera galanê îşxalî yê Dewleta Tirkan yê vera Vakur û Rojhelatê Surîye bi hezaran kesî peytextê Awusturya Vîyana de amey pêser. 

Temsîlkarê partîyanê sîyasî û organîzasyonê komelkî yê Awusturya zî tewrê çalakî bîy û qisey kerd. Qiseykerdoxan dîyar kerd ke Artêşa Tirkan wazena ke Rojawanî de pakîya etnîkî û komkîştişan bikera. 

Hukumetê Awusturya ra zî waşt ke Tirkîya reyde têkilîya xo newe ra binirxno. Reyna ame waştenê ke Tirkîya reyde bazirganîya çekan bêra vindarnayene û çekî meroşîyê Tirkîya. Çalakîkerî pey cû bi slogananê “ Kîştox Erdogan”, “Cinî, Cuye, Azadî”  rayîr şî. Rayîrşîyayîşî de resmê komkîştişê ke hetê Dewleta Tirkan ra Rojawanî de ameyê kerdene amey kiriştene û Dewleta Tirkan ameye şermezarkerdene.