Fermandarîya Qerargehê Merkezê YJA Starî bi wesîleya 8ê Adare Roja Cinîyan ê Kedkaran a Dinya eşkerayîyêka nuştekîye daye. Eşkerayîye ra qismêko kilm wina yo:

''Ma sey Têgêrayîşê Azadîye yê Cinîyan û gerîlayanê YJA Starî emser 8ê Adare hêzo ke ma roşnê Rayber Apoyî ra girewt, tîtikê koyanê azadan de vewazî kenê û seba ke Rayber Apoyî ma rê selamî şawitî ma biheyecan ê. Coka seba ke ma bi têkoşînê azadîye yê cinîyan seserra 21. bikerê seserra cinîyan, şorişê cinîyan bikerê, her warî bi hîsê cinîya azade bixemilnê, ma her wextî ra zafêr hêzdar û qerardar ê.

Rayber Apoyî destpêkerdişê têkoşînê azadîye yê şarê kurdî ra berpirsîyarîya tewr muhîm daye Têgêrayîşê Cinîyan ê Kurdan. Nê semedî ra cinîyî koyanê Kurdîstanî de bi îdeolojîya cinîya azade gama partîbîyayîşî eşte û bîyî îlhamê cinîyan ê dinya. Cinîyî têna 8ê Adare de nê tim têkoşîn kenê. Bi slogana  ‘Jin Jiyan Azadî’hêzê xo mojnenê sîstemê camêrd-dewlete. Cinîyê xoverdayoxê ke vera zîhnîyetê camêrdê serdestî erjanê komelkî pawenê bîyî terso tewr gird ê modernîteya kapîtalîste.

Ma sey YJA Starî semedê serkewtişê Manîfestoyê Haştîye û Komelê Demokratîkî  wezîfe û berpirsîyarîya xo do bîyarê ca. Heta ke Rayber Apoyî reyde pêvînayîşê azadî bêrê kerdene ma do bi hêzê felsefeya  ‘Jin, Jiyan, Azadî’ têkoşînê xo xurtêr bikerê. Nê semedî ra cinîyî gerek têna 8ê Adare de nê her roje yewîya cinîyan xurt bikerê.

Rayber Apo mîmarê destkewteyanê cinîyan o. felsefeya Cuyeya Azade ya Rayber Apoyî her roje her hetê dinya ra bena vila û zîhnîyetê camêrd serdestî rijnena. Hinî çîyêkê cinîyan çîn o ke vînî bikerê, eqsê ci de eşkenê azadîya xo qezenc  bikerê. Coka serkewtişê cinîyan do bibo serkewtişê Komelê Demokratîkî û haştîya mendî.

Ma sey YJA Starî heta serkewtişî do têkoşîn bikerê. Ma do bi hêzê ke Rayber Apoyî ra girewt cuyeya azade înşa bikerê û xoverdayîşê dewrî de sey Sarayan, Delalan û Leylayan serkêşîye bikerê. Na çarçewa de ma reyna heme cinîyan ê dostanê xo rê û cinîyan rê 8ê Adare pîroz kenê.''