Yunanîstan de vera Komployî Mîyanneteweyî yê 15ê Sibate rayraşîyayîşo derg ê 2 rojan Maraton de dest pêkerd.

Hemserekê KON-MEDî Erkan Ekîncîyî vera hukmatê Yunanîstanî nêrazîbîyayîşê xo mojna ke bi qedexekerdişê dezgeh û sazgehanê kurdan sîstemê tecrîdî yê Îmraliyî welatê xo de aneo ca.

Rayraşîyayîş serkêşîya Têgêrayîşê Ciwanan ê Şorişgêran û TÊKO-JIN de pê şîarê ''Rayber Apoyî rê azadîye, azadîye do ser bikewa'' dîya destpêkerdene. Bi seyan kurdîstanijî û ciwanî merkezê Maratonî de ameyî pêser û rayraşîyayîşê xo kerd.

Erkan Ekîncî, Eleniye Vasilopolo û Endamê Komîteya Merkezî ya Syrîza Angelos Gogogluyî derheqê çalakîye de ANFyî rê qisey kerd.

Ekîncîyî vat: ''Înan armanc kerd ke pê tepiştişê Rayberîye kurdan bêtesîr bikerê. La ser nêkewtî. Nika xeylêk welatanê Ewropa de çalakîyî yenê kerdene. Ma do qetî bêveng nêmanê. Heta Heta çilka peyêne ya gonîya xo ma Rayberê xo reyde yê.''

Eleniye Vasilopolo vist vîrî ke Abdullah Ocalan wexto ke şîyo Yunanîstan o qij bi û o dî. Eleniye Vasilopolo vat: ''O bi hêvîya şaran.''

Roja verêne ya rayraşîyayîşî pê sloganan dewam kena.