YXK û Cinîyan ê Wendekaran ê Kurdîstanî (JXK) êlula 2021î ra nata seba projeyê ziwanê dayîke Zanîngehê Goethe û Zanîngehê Applied Sciences (UAS) yê Frankfurtî de têkilîye kerdêne. UASî reya verêne roja şemeyî 14ê gulane de Frankfurt de seba wendekaran kargeho fermî yê kurmanckî serûber kerd.

Têkilîyan ra dima bire dîyaye ke temrînê payîz û zimistanî de Zanîngehê Frankfurtî de dersê ziwanê kurdkî do bêrê dayene.

YXK-Frankfurtî derheqê babete de eşkerayîyêke daye û da zanayene ke şarê kurdî ra hetê dewleta tirke ra asîmîlasyon yeno ferzkerdene û kurdkî yena qedexekerdene. 

Ciwanan vat: ''Ma sey YXKyî vanê ke şima nêeşkenê diaspora de musayîşê ziwan, kultur û nasnameyê ma asteng bikerê! Seba pawitişê nasnameyê xo ma do bixebitê. Coka ewro zanîngehê Almanya ma benê warê musayîşê ziwanê ma. Ma venga pêro komîteyanê YXK û JXKyî danê ke çarçewa şîarê 'Kulturê ma nasnameyê ma yo' de wayîrê kursanê kurdkî yê zanîngehan vejîyê.''