Bajarê Zurihî yê Swîsre bi çalakîyêke bale ameye antene serê rewşa tepişteyanê sîyasîyan ke binê zulmê dewleta tirke de yê. Çalakîye de semedê veradayîşê tepişteyanê nêweşan ame vengdayene.

Çalakîya ke hetê Têkoşînê Şorişgêrî yê Yewbîyayeyî ra ameye organîzekerdene verê Globusî de ameye kerdene. Çalakîye de ame vîrvistene ke zîndananê Tirkîya de hezar 600 tepişteyê nêweşî estê û înan ra 600 tepişteyî nêweşê giranê û ame vatene ke nê tepişteyî mergî rê ameyî caverdayene. Qiseykerdişan de bale ameye ser antene ke demê peyênî xeylêk cenazayî zîndanan ra vejîye û semedê wayîrvejîyayîşê tepişteyan ame vengdayene. Eşkerayîye de rewşa Aysele Tugluk û Mehmet Emin Ozkanî ameye vîrardene û ame vatene ke semedê veradayîşê tepişteyanê nêweşan û hesabpersayîşê tepişteyanê ke zîndanan de ameyî qetilkerdene ganî kuçeyî bêrê îşxalkerdene.