Meclîsê Cinîyan ê DBPyî çarewa 25ê Teşrîna Peyêne Roja Têkoşînê Vera Şîdetê Serê Cinîyan de qezaya Fethîye ya Meletî de kargehêk viraşt. Hemsereka DBPyî Çîgdeme Kiliçgun Uçar zî tewra kargehî bîye.

Kargeh de pankarta bi nuşteyê ''Vera Şîdetê Camêrdan Jin, Jiyan, Azadî'' ameye akerdene. Çîgdeme kargeh de  pare kerd ke îqtîdar temsîlkarîya sîstemê camêrd-dewlete keno. Çîgdeme îfade kerd ke Tirkîya de her roje hîrê cinîyî yenê qetilkerdene û kiştoxî bêceza vera dîyenê. 

Çîgdeme vat: ''Eke cayêk de qirkerdiş û şîdet est bê uca de têkoşîn heq o. Felsefeya 'Jin, Jiyan, Azadî' têkoşînê ma mojneno ke hinî Jin, Jiyan, Azadî hinî her ca de yeno berzkerdene.''

Çîgdeme bale ante ser ke meseleya kurdan de muxatabê çareserîye Rayber Apo yo û vat: ''Bêrê ma derheqê haştîye de qiseyê xo vajê.''

Kargeh bi berzkerdişê sloganan û çepikan qedîya.