Fatma Naso, Fadîle Reşo û Mûh Derwîş ê ke hêrişanê dewleta tirke û cerganê ci ra neçare mendê ke Efrîn-Şehba ra koçê Reqa bikerê, ajansê ma rê qisey kerd û bale ante dej û zulmê şerî ser.

Fatma Naso cara Helebî ra rîyê hêrişanê cergan ra 2018 de koçê Efrînî kerdbî û uca ra zî koçê Şehba kerdbî. Fatma vat: ''Krîzê Sûrîye ra ma rayîrê koçberîue de yê Helebî ra ver bi Efrînî, Efrînî ra ver bi Şehba ma neçare mendî ke koç bikerê. Qiseyê koçkerdişî rehet o la dejo ke ma ancenê nêno ziwan. ''

Fadîle Reşoya ke Efrîn de dadîya xo ra bîya vat:''Îşxalê Efrînî ra dima ma Şehba de ca bîyê. Efrîn de keyeyê ma, dikanê ma, her çîyê ma est bîyê. La ma neçare mendê ke koçê Şehba bikerê. 6 serrî ma Şehba de mendî. La nika yeno waştene ke ancî Şehba de zî qirkerdiş bêro kerdene. Coka ma hê rayîrê koçî de yê. Keyeyê mi vila bi, her kes şîyo cayêkî. La no zulm nîyo çî yo?Zulm û qirkerdiş tena benê barê kurdan?''

Mûhe Derwşîa ke îşxalê Efrînî ra dima koçê Til Rifetî kerdbî vat: ''Hêrişê îşxalî nêvindertê. Ma raştê qirkerdişêkê pîlî ameyî. Heta ma resayî Reqa dejê pîlî antî. Ma tersayêne çunke domanê ma, merdimê ma yê nêweşî est ê. Dewleta tirke wazena ke pêro kurdan qir bikera. La şarê ma qetî sereyê xo nêard war û do nêaro war. Şarê kurdî do bi xoverdayîşî ser bikewo. Bawerîya ma xurt a. Ma do bi xoverdayîşî peynîya zulmî bîyarê.''