Wexto ke  deyîrê Koma Berxwedanî yê ke eştê Xoverdayîşê 15ê Tebaxe û Fermandar Egîdî ser, ciyenî çew/e cêracor recifîyeno. Tesîrê na roja ganîbîyayîşî serê kurdan de hende zaf o. No ruh ewro têna waranê xoverdayîşî de nê semedê heme kurdan ganî yo.

15ê Tebax a 1984î de Vakurê Kurdistanî de, Dih û Şemzînan reyêk de bi vengêkê cîyayî lerzayî. No veng vera koletîye vengê serewedaritişî bi ke qederê kurdan bedilna. Hemleya 15ê Tebaxe ya ke semedê azadîya Kurdîstanî, komûtaya Fermandarê Bêmergî Egîdî (Mahsûm Korkmaz) de dest pêkerde, rixmê heme astenkerdişan û hêrişan heta ewro bi serkewtişî ameye. Xeyrê nê têkoşînî ewro kurdan zaf çî fînayî dest. Nasnameyê kurdan xeyrê xoverdayîşê gerîlayî ame zaneyene.

Beno ke tayî tersî ra tayî zî bi sebebanê cîya cîyayan ra wayîrê nê xoverdayîşê erjîyayî mevejê la raştîye de ça beno wa bibo hela ke qala Hemleya 15ê Tebexe bena, yew coş û keweno zerrîya kurdan.  Xora zafê kurdan peyê nê xoverdayîşî de yê û  bi gan û ruhê xo wayîrê ci vejîyenê ke heta ewro bi bêmabên dewam kerd. Êyê ke kuçan erzenê têgêrayîşê azadîye yê kurdan bi xo zaf hole zanê ke şarê kurdî estbîyayîşê xo deyndarê têkoşînê gerîlayan o.

Gama verêne û guleyo verêno ke Fermandarê Girdî Egîdî embazanê xo ya pîya 15ê Tebexe de eştî, ewro bi girdbîyayîşê têkoşînî çar leteyanê Kurdîstanî de vila bîyî. Bi nê guleyî îradeyê estbîyayîşî yê kurdan vejîya werte ke dîşmenî waştêne çîn bikero, no îrade reyna bi ganî. Xeyrê na hamleye ma rojanê ke estbîyayîşê şarê ma ameyêne munaqaşakerdene ra ma ameyî rojanê ke welatê ma de estbîyayîşê kolonyalîzmî yeno munaqaşakerdene.

Fermandar Egîd û embazanê ci yê qehremanan ke tarîx nuşt, bi guleyê verênî serê kurdan ra wele şa ra, çimê înan akerdî ke raştîya xo vînê. Na hemleya ke sey Roşanê Ganîbîyayîşî yena bimbarekkerdene de kurdan bedelê zaf pîlî dayî la estbîyayîş û hêzê xo fîna çiman ver.

Şarê kurdî serkêşîya têgêrayîşê azadîye de, wela xo ra xo newe ra ganî kerd. Newe ra ganîbîyayîş de rolo tewr pîl cinîyan kay kerd. Cinîyanê ke bi rindîya xo reng da têgêrayîşî, cinîya bindeste û bêîradeye ra cînîya azade afernaye ke bi xoverdayîşê xo heme dinya rê bîye nimûne.

Ewro nameyê zafê qicanê kurdan Egîd o ke zafê înan destê înan de tifing rêça qehremanê xo de koyan de vera dişmenî şer kenê. Ciwanê ke bi deyîran û destana roja ganîbîyayîşî bîyî pîl ewro bi xo semedê pawitişê destkewteyanê kurdan û caardişê waştişê şehîdanê qehremanan tarîx nusenê.