Hêrişê dewleta tirke ya îşxalkere yê bi nameyê 'Pençe' warê Baradostî de dîyabî destpêkerdene, nê hêrişî vîrê her kesî de yê. Dewleta tirke her operasyonî ra dima zûrê pîlî kerdêne, raştîyî nimnayêne. La operasyonê Pençe ra dima bêvengîyêke kewte werte. Selahîyetdaranê ke verî vazdayêne verê televîzyonan narey têna eşkerayîyê nuşteyî yê kilmî dayêne.

Gerîlayî 31ê gulana 2018î de warê Xakûrkê de vera operasyonê Pençe têgêrayî. Gerîlayî serê sibayî 8.30 de kewtî çeperanê leşkeran.

HPGyî derheqê na çalakîye de nê agahîyî dabî: ''Dormeyê Gelîya Elî Dirêjî ya herêma Biradostî ya Sîdekanî ya Başûrî de yewinê nimiteyî yê dişmenî hetê hêzanê ma ra ameyî kontrolkerdene. Dima hêzanê ma Gelîya Elî Dirêjî de da dişmenan ro. Cayêkê nêzdî ra di baskan ra yewiinê dişmenî ameyî pirodayene û 5 leşkerê dişmenî ameyî kiştene. Hêzanê ma cenazayanê leşkeran ser o dest na  2 çekê HK-33 (Melez); çekêka BKCyî, dûrbîna roje, malzemeyanê leşkerîyan ser.''

Rewşa Helîya Elî Dirêjî wina bîye la artêşa tirke eşkerayîyê cîyayî dayî. Bêguman zanayêne ke çend detayî bêrê dayene a do hende rezîl biba. Wexto ke dîmenî weşanayî dewleta tirke zêdê rezîl bîye. Dîmenan de dîyeno ke gerîlayî kewenê çeperanê dişmenî û danê dişmenî ro.

Tay medyaya îqtîdarî ney rê vat 'hêriş' tay medya zî vat 'şer.' Têgêrayîşê gerîlayan her kesî mat kerdbi. Înan zî nêzana ke çita binusê.

Armancê dewleta tirke qedînayîşê Têgêrayîşê Azadîye yê Kurdan o. Dewleta tirke seba ke raştîyan şarî ra binima vera vana 'gerîlayî qels ê, verê qedîyayîşî de yê, nêeşkenê çalakîyan bikerê' û seba leşkeranê xo zî vana 'Artêşa tirke xurt a, gerîlayî nêeşkenê derbe bidê.' Dewleta tirke semedo ke qelsîya ci eşkera nêba pê nê vateyan kena ke payan ser o bimana.

Nê çalakîyî, dîmenê çalakîyan pêro raştîyan vejenê werte. Selahîyetdarê dewleta tirke nê dîmenan zî red kenê û vanê: 'Nê dîmenî montaj ê, fîlmêkî ra gêrîyayî.'

Rixmê nînan zî gerîlayî çalakîyanê xo rê û eşkerakerdişê raştîyan rê dewam kenê. Çunke gerîlayî pê zuran bin nêkewenê. Seke dîmenan de dîyeno gerîlayî tim lapatan danê dişmenî ro.