Girê Zernakî wextê Împaratorîya Part û Ûrartuyan de ameyo viraştene û qezaya Ercîşî ya Wanî de yo. No şaristano qedîmo ke serê girêkî de merkezê Ercîşî de ameyo awankerdene sey şaristanê tewr girîngî û modernî yê ê çaxî şinasîyeno.

Qralê Ûrartuyan Menuayî seba ke verê hêrişanê Asûrîyan bêro girewtene Girê Zirnekî de pêro eşîrê kurdî ardî yewca û yewîya kurdan awan kerde. Dima zî peynîya zulmê Asûrîyan arde. Tîya de xebata kênayîşî bi serran o hetê dewlete ra yena astengkerdene. Girê Zernakî hetê xezînegeran û dewlete ra ame talankerdene.

Komelnas û nuştox Îkram Îşlerî vist vîrî ke Girê Zernakî şaristano verên ê dinya bi û bi planê 'izgara' ameyo awankerdene. Îşlerî da zanayene ke dima no plan mîmarîya yunanan de ame dîyene. Îşlerî vat: ''Ganî tîya de restorasyon nêro kerdene. Xebatanê restorasyonî xora Kelaya Wanî eslê xo ra dûr vistî. Binê nameyê xebate de seba rantî eslê cayanê tarîxîyan yenê çinkerdene.''