Par hezîrane de Avustralya de şewat dest pêkerd û heta 8ê adara 2020î dewam kerd. Şewat bi sebebê vêşayîşê warê 19 mîlyon hektarî. Şewat de tewr tay 34 kesî merdî û xeylêk heywanî telef bîyî.

Hukmatî soz dabi ke seba cigêrayîşê şewatî komîsyonêk awan bikero. Komîsyonî vizêr dest pê karî kerd. Komîsyon heta menga tebaxe do zanayaran reyde kombîyayîşan bikero.

Yek ji mijarên ku li Awûstralyayê cihê fikaran e, sedema şewata li daristanan e û dema bê wê di kîjan astê de be. Endamanê komîsyono ke nameyê Komîsyonê Cigêrayîşî yê Qralîyetî ser o kar keno, vizêr pisporê îklîmî yê Buroyê Meteorolojî yê Neteweyî Karl Braganzayî reyde pêvînayîş kerd. Goreyê Braganza ganî Avusturalya 'bimuso' şewatan.

Braganzayî pare kerd ke şewato parîn 'îstîsnayî' nîyo û sebebê nê şewatî do bibê sebebê şewatanê bînan. Braganzayî vat: ''Wexto ke merdimî ewnîyenê doneyanê hewayî yê serebûtan vînenê ke zêdîyenê. Seserranê 19 û 20. de  şewatê ê çaxî yê daristanan goreyê na seserre tayêr bîyî.''

Tesbîtanê zanyaran ê seba şewatê daristanan ra yew zî no yo ke semedo ke germîya globale zêdîyena, hamnan beno derg û zimistan beno kilm. Şewatî zî bi nê hawayî zêdîyenê.