'Bi bahaneya asayîşî daristanê ma yenê çinkerdene'

Hemserekê HDPyî yê Çewlîgî Hasan Soysalî pare kerd ke qirkerdişê daristanê Karacehenemî çimeyê oksîjenî yê şaristanî yê û birnayîşê daran do bibo sebebê felaketêkê ekolojîkî.

Qezaya Kanîreşî ya Çewlîgî de warê mabênê dewanê Eynik û Qizilagaçî de daristananê Karacehenemî de 6ê teşrîna verêne ra nata darî bi bahaneya 'asayîşî' birîyenê. Hemserekê HDPyî yê Çewlîgî Hasan Soysalî derheqê babete de qisey kerd.

Hemserekê HDPyî yê Çewlîgî Hasan Soysalî ard ziwan ke daristanê Karacehenemî cigêrê Çewlîgî yê û vat: ''Uca merkezê awa pake yo. Eke birnayîşê daran dewam bikero no do bibo sebebê felaketêkê ekolojîkî. Qirkerdişê nê daran yeno manaya qirkerdişê şarê şaristanî.''

Hemserekê HDPyî yê Çewlîgî Hasan Soysalî îfade kerd ke rixmo ke şarî hende vera ci nêrazîbîyayîşê xo mojna xebata birnayîşî dewam kena û vat: ''Ma sey HDPyî vera na xebate yê ke bi bahaneya asayîşî yena kerdene. Eke no kerdiş Ege de bibîyêne Tirkîya weriştêne we. Tîya zî cigêrê Çewlîgî yo. Ganî dewelte cade nê kerdişê xirabî ra abigêra.''