Merkezê Pêroyî yê Komeleyanê Elewîyan ê Demokratîkan (DAD) pare kerd ke  13ê sibate roja pancşmeyî saete 18:00 de do cemê Xizirî bêro kerdene. Cem do bînaya DADî ya Dêrsimî de bêro kerdene. Îdareyê DADî û endaman seba cemî vengdayîşê tewrbîyayîşî kerd.

Hemserekê Merkezê Pêroyî yê DADî Musa Kuluyî eşkerayîye wende û vat: ''Na dinya sayê Xizirî payan ser o ya. Menga Xizirî menga pakî ya, na menge de dişmenîyî qedîyenî, pêro ganî benê yew lete.  Bi nê hawayî, bi na bawerîye ma do cemê Xizirî girê bidê. Ma nê girêdayîşî de wazenê ke pêro ganê ma hetê ma de bibê. Ma wazenê ke pêro ganî rastîya xo de bibê şinas. Cemê ma xizmetê naye keno.

Kamê ke tengî ancenê Xizir ardimê înan bikero. Ma venga pêro gananê xo danê ke şanê pancşemeyî tewrê cemê ma bibê.''