Kampa Bextwaştoxan a Şehîd Rûstem Cûdî (Mexmûr) de ciwanêko bi nameyê Salih Kara ke bi koçberîye pîl bîyo, rastê xeylê dej û nêweşîyan ameyo, kam zanayêne ke o do rojêk bieşkîyo bibo hekîmêk û xoza ra dermanê nêweşîyan peyda bikero.

Dej û nêweşîya maya ey kenê ke rojêk Salih dekeweno cigêrayîşanê pîlan mîyan.

Dejê maya ey o kerd hekîmêk

Salih dîyar keno ke, serra 2008î de rojêk maya ey bi nêweşîyêkî felç bena û o zî vera xo dano Dayîka Pujan ke hema ê wextî de weş a rehmet nêkerdbî. A bi dermananê kurmancîyan reyde eleqedar bena û şîfa vila kena. Bi tay dermananê aye maya Salihî a nêweşî ra pak bena. Gama yewina na ya ke Salih dest bi hekîmtî keno.

Salihî wexto ke dî ke vaşê xozayî eşkenê bibê derman, hîna zaf vera xo dano hetê Dayîka Pujan û aye ra nê karî museno.

Beno hekîm û bi serkewte agêreno Mexmûrî 

Salih sey şagirtî 2015î ra heta 2019î hetê Doktor Fayîqî de xebitêno û banderê hekîmtîye beno. Nê demî de Salih zaf xebitêno û çîyê ke ey ra yenê vatene yan zî vîneno pêro not keno û ser o xebitêno. Destê Doktor Fayîqî ra belgayan xo ya hekîmtî zî gêno û beno hekîmêk. Bi serkewte agêreno Mexmûrî şîfa dano nêweşan.