Mabênê Dêrsim û dewa Mulu  de 15 serran ra nata ocaxêkê kerrayan o ke aîdê şîrketa Dogan Înşaat bi, faal o. Şarê Dêrsimî vera ocaxî wextêkê dergî ra nata têkoşînêk dano. Peynî de mabênê şaredarîya Dêrsimî û ocaxê kerrayan de protokolêk ame îmzakerdene ke ''beşê şiknayîş û vîjnayîşê kerrayan'' wedarîyo. 

Goreyê pêkerdişê protokolî cayo ke verê cû tede kerrayî ameyî şiknayene û vîjnayene darî do bêrê ronayene. Şarê Dêrsimî seba ke ocaxê kerrayan bêro qefilnayene verê cû zî kampanyayêka îmzayan dabî destpêkerdene.