Dewa Tilêtînî yê qezaya Hênê ya Amedî de pê dîyayîşê wisarî xoza bîye kesk, sûr û zerd. Pê geşbîyayîşê xoza û akerdişê pel û vilikanê daran xoza rengîn bîye. Vilikê mujdeyê wisarî danê. Kanî û awa Tilêtînî zî zelal û pal herikîyena.

Hemwelatîyê dewe heywanê xo vera danê xoza. Amedijê ke rîyê vîrusê Korona ra şaristan de nêmanenê verê xo danê dewan. Hemwelatîyê agêrenê dewan û pê wisarê dewan keyf kenê. 

Dewijê bi nameyê Xalê Ramazanî ard ziwan ke pê averşîyayîşê teknolojî dewan de cuye vinderta û pê averşîyayîşê şaristanan tewir bi tewir nêweşîyî vejîyayî werte.

Dewijê bi nameyê Ahmet Kiliç zî bêrîya serran ê verênan keno û vano: ''Ez pê berhemanê dewe cuya xo ramena. Ez qet cuya dewe nêdana cuya şaristanî. Ez dewe de heywananê xo reyde cuyêka aram û şaye derbaz kena. Heta ke ez dewe de biciwîya ez nêweşîyan ra nêtersena. Vanê nêweşîya Korona esta la na nêweşîye xoza rê qet tesîr nêkena. Wa her kes abigêro dewa xo û mîyanê xoza de biciwîyo.''