Dewleta tirke ya îxalkera ke bi mengan o Metîna bombarduman kenê û daristanê ci vêşnena falîyetê xo yê talankardişî herême de zêdînayî.

Goreyê zanayîşanê ke ameyî girewtene 20ê teşrîna verêne de îhaleyê talankerdişî dîya qoricîyanê herêma Sêrgorkê yê Şirnexî. Şehmus Babatî pîya tay serqoricîyan bi hewayêkê lezabezî warê Nizûrê yê Zendûra û Derarê yê Metîna de dest pê birnayîşê daran kerd. Ame eşnawitene ke qoricîyan ê ke bi desan makînayanê karî herême de darî birnayî dima ra herême daye adir ver. Darê ke yenê birnayene pê kamyonan herême ra yenê kiriştine. Fotografê ke ameyî antene de yeno vînayene ke senî darî yenê talankerdene. Fotografê ke tede yeno vînayene ke bi hezaran darî ameyî birnayene têna qismêkê talanî ramojnenê.