Ekolojîst Vahap Işikli û Abdulvahap Irmakî derheqê şewatanê Kurdîstanî de ANFyî rê qisey kerd.

Ekolojîst Vahap Işikliyî pare kerd ke hîsgerîya şewatê daristananê Tirkîya û ê Kurdîstanî yew nîya, sebebê şewatê daristananê Tirkîya krîzê awhewayî ya la daristanê Kurdîstanî qestî ra yenê vêşnayene.

Işikliyî vat: ''Kurdîstan de dewlete nêverdena şar zî mudaxeleyê şewatî bikero. Kurdîstan de têna darî nênê vêşnayene heman wextî de awbendî virazîyenê, merdimî dîyenê koçkerdene. Nê pêro binê nameyê 'asayîşî' de yenê kerdene.''

Ekolojist Abdulvahap Irmakî zî vat: ''Kurdîstan de pê bahaneya 'asayîşî' şewatan rê mudaxele nêno kerdene û şar zî key biwazo mudaxele bikero yeno astengkerdene. La ganî verî şarê herême mudaxele bikero. Çunke ê herêma xo, dar û cayanê xo hîna weş zanenê. Kurdîstan de sebebêkê şewatan zî qedexekerdişê koçerîye yo. Çunke wexto ke koçerî uca de bîyî heywanê xo çarnayêne û nê heywanan vaşê ke benê sebebê şewatî werdêne. La Kurdîstan de koçerîye ameye qedexekerdene.''