Vîrusê Korona ke tesîrê pêro dinya keno Îngilîztan de zî lez vila beno. Bi taybetî şaristanê London de tesîrê Korona zêde yo.

London de zaf merdimê estê ke teber de manenê, xizan û nêweş ê. Pê rayîrê torranê paştdayîşî hetkarîya nê merdiman yena kerdene. Heyva Sor a Kurdîstanî zî seba nê merdiman têgêrayena.

Heyva Sor a Kurdîstanî seba nê armancî dezgehê hetkarîye yê îngîlîzan Citizen UK reyde xebata hempare kena. Na çarçewe de seba ke werdegehê dibistanan qey merdimanê bêkeyeyan û xizanan bêrê amadekerdene hetkarîye kena, paştdayîşê madîyî zî dana werdegehan û erzak vila kena.

Heyva Sor UK derheqê karê xo de eşkerayîyêke daye û vat: ''Ma seba merdimanê hewcedaran dest pê kar kerd. Xebatê ma bi kêfweşî ameyî pêşwazîkerdene û bîyî semedê moralî û paştdayîşêkê pîlî.''