Mêsanê hingemênî ser o gefêko pîl esto. Dermanê mêsan, parazît û lêşinîya hewayî xeylêk tesîrê nînan kenê.

Kantonê Cenevre de berardişê hingeyan zêdîyayî. Hingdarê bi nameyê Stephanie Vuadensî medyaya RTSyî reyde qisey kerd û îfade kerd ke hingimênê serra 2020î wayîrê taybetmendîyêka cîya yo.

Vuadensî Cenevre de serra peyêne de 500 kîlo hingimên ber ard. Goreyê fikrê ci ê do emser bi tonan hingimên ber bîyarê. Vuadendsî da zanayene ke kêmbîyayîş û vindartişê trafîkî hingeyan ser o tesîrêko pozîtîf keno.

Gingdarê bi nameyê Pierre Stephanî zî kanala France-3 reyde qisey kerd û vat: ''Emser hingimênê mi zêdêr o.'' Goreyê Stephanî arambîyayîşê dinya beno sebeb ke hingeyî zêdêr hingimên bikerê û seba ke merdimî keye de manenê mêsê hingimênî bi asanî xo resnenê vilikan.