Dêrsim de goreyê bawerîya Elewîtîya Rêya Heqîye pêro heywanî fîraz ê û kiştişê tay heywanê koyî yê sey pezkovîyan raşt nîyo. La şaristan de bi taybetî serranê peyênan de pê destê dewlete qirkerdişê heywanan ê koyîyan ser o îhaleyî yenê akerdene û seydwanîye binê nameyê 'sporî' de yena meşrûkerdene.

Komêka seydwanan ê xerîban seba qirkerdişê heywanan ê koyîyan ameye Dêrsim û nê seydwanî Keyeyê Mamostayan de ameyî cakerdene.

Vera seydwanan Dêrsim de nêrazîbîyayîşî zêdîyenê. Hunermendê dêrsimijî Dogan Çelîkî zî derheqê babete de PÎRHA rê qisey kerd.

Çelîkî îfade kerd ke Dêrsim de pêro gandarî fîraz ê û vat: ''Dêrsim de wextê peyênî de tay seydwanî erdê ma xo rê kenê mesken. Ez venga nê seydwanan û ê dêrsimijanê ke rayberîya nê seydwanan kenê dana ke  eke hewceyê şima bi pereyî esto ma do pere bidê şima. La destê xo medê heywananê ma.

Seydwanîye spor nîya cînayet a, qirkerdişê xoza ya. Pezkovîyî fîrazîyê Dêrsimî yê. Ma Dêrsim de seydwanîye nêwazenê.''