Hînî citkarê Kobanê wextê leyan de hêverî fistiqêranê Helebî ramenê. Seba fistiqê Helebî eleqe pîl o û bierardişê fistiqan çimeyêko pîl ê debarî yo. La bi nê hawayî berardişê zadî kêmîyayî.

Nika herêma Kobanê de beno ke bi des hezatan darê fistiqan estê. Seba ke darê fistiqî hewceyê awa zêdêre nîyê citkarî zad û daranê bînan rê nê daranê fistiqan rê eleqe mojnenê.

Citkarî wisaran saksîyan de leyanê fistiqan nanê ro û wexto ke fistiqêrî benê derg yanî serrêke ra dima axpînan de nanê ro. Menga teşrîna peyêne de axpînî yenê ramitene û menga tebaxe de zî berhemê verênî arê dîyenê.

Dewa Şikeftî ra citkar Adem Mustafa pare keno ke fistiqêran ra dima hînî o zad nêrameno.

Citkaro bîn Nesrat Hîno (80) zî vano ke serranê peyênan de bereketê zadî kêmîya û citkarî hînî giranîye danê fistiqê Helebî ser.