Gola Wanî wayîra populasyonêko dewlemend ê gandaran a. Dormeyê Gola Wanî de bi desan Santralê Hîdroelektrîkî (HES) û Awbendî estê. Hema hema her çem de her herême de xeylêk HESî û Awbendî virazîyayî.

Dormeyê Gola Wanî de 17 golî estê ke înan ra çend tenî Wan, Erçek, Newmrût, Nazik, Arîn û Akgol ê. Bi desan çemê qij û pîlî ver bi Gola Wanî û domreyê ci de herikîyenê. Bi taybetî çemê Karasu, Bendîmahî, Delîçay, Engîl, Zîlan, Guzeldere, Memedîk û Karmişî nê çeman ra yê.

Sere de Çemê Sortkînî yê qezaya Şaxî, çemanê Zîrîl, Sîneber, Buyuk, Dûdan, Bîdar, Şeyhdegîrman û Alakanî de 15 HESî û awbednî virazîyenê. Bi nê hawayî xoza, fitiqêr û gozêrî binê awe de vera dîyenê. Masê zî do çin bibê. HESo ke Çemê Zîlane yê Erdîşî de virazîyeno, Semender Deqdeqî do bikewo rewşêka bitehluke ke Rêxistina Pawitişê Xoza ya Mîyanneteweyîye dekerd lîsteya xo ya pêyene.

Bi taybetî Çemê Zîlane; Bendîhamî, Delîçay, Engîl, Guzeldere û Memedîk ê ke Gola Wanî û Gola Erçekî wayîrê ci kenê, cayê hahkerdişî yê masêyanê Gola Wanî yê. Semedo ke bi desan HES û Awbendî înan ser o virazîyenê, masêyê Gola Wanî û bi desan heywanî û nebatê endemîkî binê tehluke de yê. Qezaya Erdîşî de zî Delîçay de masêyê Gola Wanî heman rewşe de yê. Bi hezaran masêyê Gola Wanî rîyê HES û awbendan ra mirenê. 

HES û awbendê Çemê Bendîmahî yê qezaya Mûradîye bîyî sebeb ke beşêko pîl ê Gelîya Bendîhamî zuwa beno. Warê hakkerdişî yê masêyan zî çin beno û masêyê bi hawayêkê komkî mirenê.

HESan ra heta nika derheqê mergê komkî yê masêyan de cigêrayîşêk nêame kerdene. Çimeyê debarî yê 30 hezar merdiman  qurbanê HESî yenê kerdene.