Seba mîtîngê Roşanê Karkeran ê 1ê Gulane yê Zurichî yê Swîsre Rayber Apo sey qiseykerdoxî ame dawetkerdene. Dawetname hetê Komîteya Amadekarîye ya 1ê Gulane ra ame erşawitene ke komîte 60 dezgehan ra yena pê.

Komîte dawetname Zîndanê Îmraliyî rê şawit. Dawetname de wina nusîyeno: ‘’Xîret û perwerîya to ya seba haştî û demokrasîyî zanîyenê. Fikrê to Rojhelatê Mîyanênî, Ewropa û xeylê cayanê dinya de seba awankerdişê komelê demokratîkî wanîyenê, nîqaş benê û tesdîq benê.

Sey Komîteya 1ê Gulane ma hertim paştî danê têkoşînê kurdan ê seba azadî, demokrasî û heqê dîyarkerdişê çarenusê xo.

Ti hetê xeylê kurdan ra sey temsîlkarê sîyasî yenî qebulkerdene. Coka ma hêvîdar ê ke 1ê Gulane de ma mîyanê xo de to zî bivînê.’’