Wan de waye û bira Şerîban û Erkan Ozkoy 12 serran ra nata zîret kenê, berhemanê organîkan ber anê û roşenê.  

Waye û bira axpînê xo ra berhemanê xo arê danê û kişta axpînî de dezgehê xo ser de roşenê. Kesê ke wazenê eşkenê denikewê axpîn û bi destê xo berheman arê bidê. 

Erkan îfade keno ke zîreto organîk hem weş hem zî bisihet o. Ozkoyî vat: ''Ma berhemanê xo bi keda pîle resnenê, dima zî dezgehê xo de roşenê. Nika ma 10 tenî tîya de xebitîyenê. Berhemê ma teze û rojane yê. Merdimî merkezê şaristanî ra yenê berhemanê ma hêrînanê. Nika 3 axpînê ma estê. ''

Şehrîbane Ozkoy zî da zanayene ke a bilbîyayîşê zîretî ra kêfweş a. Şehrîbane ard ziwan ke ê bezreyanê xo zî arê danê û vat: ''Nê karî karê kede yê. Ez heta peynîya êlule axpîn de xebitîyena. Ez pê heqê nê berheman hewxedarîyanê domananê xo peyda kena. Cinîyî se kenê bikerê la qetî tewrê berardişî bibê.''