Çirtanê Ahmedavayî, bajarokê Ahmedavayî yê mabênê Silêmanî û Helebçe de yo. Awa Çirtanî binê zinarêkê girdî ra vejîyena.

Destpêkerdişê germê hamnanî reyde bi hezaran kesî Başûr û xeylî bajaranê Iraqî ra verê xo çarna bajarokê  Ahmedava û verê çirtanî de bîhna xo girewte. Bi des hezaran kesan zî hîrê rojê tatîlê roşanî bi nê hawayî derbaz kerdî. Bi hezaran kesî bajaranê Bexda, Musenna, Necef, Basra yê Iraqî ra bi otobusan ameyî Çirtanê Ahmedavayî. Başûrê Kurdistanî ra zî Silêmanî, Ranya, Kaledizê, Çemçemalê, Kerkûk û Hewlêrî ra bi hezaran kesî seba ke bîhna xo bigêrê û tatîlê xo yê roşanî derbaz bikerê ameyî Çirtanê Ahmedavayî. Der û dorê Çirtanî  û xeylî ca û cangîyê bajarokê Ahmedavayî seba pîknîkî amayî amadekerdene.