24. Festîvala Kultur û Hunerî ya Skandînavya qedîyaye pê sloganê 'Rayber Apoyî rê Azadîye, Kurdîstanî rê Statu' şaristanê Stockholmî de ameye kerdene.

Festîvale vizêr semedê şehîdanê Kurdîstanî pê deqayêkê rêzgirewtişî dest pêkerde. Hemsereka Merkezê Komelê Demokratîkî yê Kurdan ê skandînavya Nadîya Salih verî qisey kerd û vat: ''Seke Rayber Apoyî vatbi xebate û têkoşînê semedê azadîye qasê azadîye manadar û weş ê.''

Festîvale de hunermendê TEV-ÇANDî vejîyayî sehne ser. Wekîla Partîya Çepe ya Swêdî Lorena Delgado Varas nameyê Partîya Çepe ser o qisey kerd û paştdayîşê xo yê bi kurdan ard ziwan.

Şayîye de mesajê dadîyanê şehîdan Fermandar Rênas Rojî û Rêbaz Tîlekoyî û mesajê Hemserekê Konseya Rayberdişî ya KCKyî Cemîl Bayikî ameyî wendene

Hemserekê Kongreya Gelî Remzî Kartalî zî girîngîya prosesî ser o qisey kerd û vat: ''Adresê çareserîya meseleya kurdan Rayber Apo yo. Ma xoverdayîş û çêrîya gerîlayanê Kurdîstanî zerrî ra selam kenê. Dişmen rixmê hende plananê xo zî nêeşkeno netîce bigêro. Îşxalkerî xeylêk plananê xo pê rayîrê PDKyî anê ca. Dewleta tirke ya îşxalkere vera gerîlayan gazê jehrînî û çeka kîmyewîye xebitnena.''

Festîvale de hunermendan Kawa, Nûarîn, Armanc û Nasir Rezazî deyîr û kilamê xo vatî. Festîvale de vera sloganê 'Biciwîyo xoverdayîşê gerîlayan', 'Biciwîyo Rayber Apo' ameyî vatene.