Pêramotişê Ressamîye yê 4. yê herêma Firatî bi şîarê 'Ma çend cîyarengî bibê zî, tabloyê welatî de benê yewrengî' Merkezê Kultur û Hunerî yê Baqî Xidorî de qedîya.

Beşdaranê pêramotişî derheqê babete de ANFyî rê qisey kerd.

Mamosta û Îdarekara Merkezê Baqî Xidorî Norhane Cimo dîyar kerd ke şagîrtanê înan tabloyan de hîsê xo ardê ziwan û vat: ''Ma mîyanê pirr neteweyan de yê, neteweya demokratîke de yê. Wendekarê ma bi hunerê xo, îfadeyê xo mojnenê. Ma pîya benê yew. No pêramotiş 54 tabloyan ra yeno pê. Her tablo hîsanê şagîrtan eşkera keno.''

Ressame Cîhane Şahîn qala tabloyê xo kerde ke tede YPJ, Ferhad Dêrik û kincê kurdan ameyê xêzkerdene û vat: ''Hîrê serrî yo beşê ressamîye de ma tewrê perwerdeyî û pêramotişî benê. Tabloyê mi derheqê komelê ma de yê. Mi waşt ke şehîd Ferhat Dêrikî bi hunerê xo yad bikera.''

Ressame Sîhame Mustafa vat: ''Dima ke mi beşê ressamîye qedîna mi verê xo da Merkezê Baqî Xidoyî. Mi di tabloyî amade kerdî û her tablo de qala hîkayeyêke kerde. Tabloyê min o verêne derehqê muzîkî de yo, oyo bîn zî derheqê kulturê kurdan de yo.''