Muzeyê Kunstlerische Leitung Nassauischer Kunstverein Wiesbadenî yê Almanya ya ke aşma çeleyî ra nata pêramotişê resame Zehra Dogan esto vizêr bi sernameyê ''Huner û azadîya îfadeyî'' aktîvîteyêke ameye viraştene.

Verê aktîvîteye performansêk ame organîzekerdene. Zehra Dogan merkezê bajarî de pîneyêko sipî kerd ra  serê ci de nameyê cinîyanê ke 2015 û 2016î de hêrişanê qirkerdişê de ameyî qetilkerdene nuşt. Dima ra no pînê fasilna, deşt kerd vîstanêk û kerd piray. Bado zî qemtêka sipî ya cinîyan ê kurdan yew çuye ya gire da, girewt xo dest û linge warway gêrayî. Dogane vat: ''Na beyraqa xoverdayîşî ya. Tanqanê ke ma kiştî heme ê almanan ê. Ganî hesabê nê qirkerdişî dewleta alamanî zî bido. Rayapêroyî ya Almanya ganî vera naye bêveng memano.''

Perforamans de hêrişê Hanau zî ame şermezarkerdene. Badê performansî hetê Mîkaîl Aslan û Cemîl Koçgirî ra goşdarîyêk ame dayene. Aktîvîteya ke Ferhat Tunç zî tewrê ci bi kurdan zaf eleqe ramojna. Dimayê goştarîkerdişê muzîkî panelêk ame viraştene. Zehra Dogana ke tewrê panele bîye vist vîrî ke hêrişê Hanau de êyê ke medî 5ê înan kurdî û vat:'' Şima semedê welatê xo vanê azad, welato azad no yo?  çi heyf ke ez têna welato kê nîjadperest vînena.''