Amed de şewa kilamanê Kirmanckî (Zazakî)
Amed de do hetê Morceleyanê Kirmanckî ra şewa kilamanê kirmanckî (zazakî ) bêro viraştene. 9ê Kanûne de Celo Boluz do konserêk bido.
Amed de grûba ke bi nameyê “Morcelayê Kirmanckî” newe ameye ronayene, aktîvîteyêka bîne organîze kena.
9ê Kanûne de (siba) do Kafeyê Kitaban ê Gilgameşî yo ke Dîclekentê Amedî de yo konserêk bêro viraştene.
Konsero ke hetê Morcelayanê Kirmanckî ra yeno organîze kerdene Celo Boluz bi deyîranê / kilamanê kirmanckî (zazakî) tewrê ci beno. Konser do saet 19.00 de bêro destpêkerene.
Morcelayanê Kirmanckî aktîvîteya xo ya verêne de şewa wendişê şîîran organîze kerdebî û şewe rê zaf eleqedarîyêka girde ameyebî ramotene.
