Fîlmê dokumentî yê bi nameyê “Yol’a Duşen Karanlik”  (Tarîtîya ke kewte rayîrî ) o ke Mesut Ozcanî dîrektorîya ci kerde dest pê weşanî kerd.

Fîlmo dokument qala polîtîkayanê asîmîlasyonî yê vera elewîyan ê ke  Darbeya 12ê Êlule ra dima Dêrsim de ameyî kerdene, kena. Fîlmo dokument 6 beşan ra yeno meydan. Dîmenê fîlmî tay dewan de ameyî girewtene ke Darbeya 12ê Êlule ra dima tede camîyî virazîyayî.Fîlm de hemwelatîyê Dêrsimî qala serebûtanê xo kenê û pêro polîtîkayê vera elewîyan ca gênê.

Ozcanî vat: “Bawerîya Dêrsimî de rayîr çekuyêka taybet a. Ganî her elewîyî goreyê nê rayîrî têbigêrê. Dêrsimî nê rayîrî ra vanê rêya haqî yan zî rêya ma. Darbe ra dima ame xîretkerdene elewîyî nê rayîrî ra cîya bibê. Dêrsim de her tim vera elewîyan teda estbî. Terteleyê Dêrsimî de şarê ma ame qirkerdene la tornê înan bawerîya elewîtîye danê dewamkerdene. La tornê ma do se bikerê? Merdimî bi zorî erşawîyayî kursê Quranî. La çew derheqê na babete de qisey nêkeno.”