Komeleya kurdan a bajarê Kolnî  yê Almanya de tezîyeya Alî Haydar Kaytan û Riza Altunî  dewam kena. Roja hîrêyîne de zî temsîlkarê dezgehanê kurdan û sîyasetmedarê surgunkerdeyî zî tede xeylê kesan tezîye zîyaret kerd.

Tezîye bi rêzgirewtişî dest pêkerd û dima ra bi nameyê Komeleya Keyeyanê Şehîdan (KOMAW) Yusuf Durduyî qisey kerd. Durduyî vat ê do sey keyeyanê şehîdan do tim paştî bidê qeraranê Rayber Apoyî.

Hemsereka KON-MEDî Ruken Emine Akça zî şexsê Katan û Altunî de pêro şehîdî yad kerdî û vat: ''Ê xoverdayox, derwîş û şervanî bî. Ma deyndarê înan ê. Ma do çirey têkoşînê înan xo vîra mekerê û bidê ciwîyayene.''

Waya Hayrî Durmuşî, Aytene Durmuş zî  şehîdî bi mînetî yad kerdî û vat: '2Têkoşînê 50 serran de ma sey keyeyanê verênan tim est bî, ma do bi tewirê bianorî prosesê neweyî de zî ca bîgîrê.''

Badê qiseykeridşê Aytene Durmuş xeylê wext sloganê “Şehîd Namirin” ameyî vatene.

Tezîye bi goştarîkerdişê zele qedîyeya. Tezîye do heta 17ê gulane Merkezê Komelê Demokratîkî yê Kurdan de dewam bikero.