Cinîyan ê Wendekaran ê Kurdîstanî (JXK) û Yewîya Wendekaran a Kurdîstanî (YXK) şaristanê Baselî yê Swîsre de bi armancê hîrakerdişê karanê kurdkî, vera asîmîlasyon û qedexeyan kursê kurmanckî akerde.

Wendekaran Merkezê Komelê Demokratîkî yê Kurdan ê Baselî de dest pê dersanê kurmanckî kerd. Wendekaran îfade kerd ke ê do xebatanê kursî pêro Swîsre de vila bikerê.

Wendekaran vist vîrî ke kurdkî tim hedefê hêrişan, qedexeyan û teda de ya û vera nînan ganî kurdkî bêra pawitene. Wendekaran pare kerd ke seba ke kurdkî bêra pawitene ganî hetê kurdan, dezgehan û rêxistinan ra bêra şuxilnayene. Wendekaran vat: ''Ziwanê kurdkî rûmetê ma yo.''

Mamostayê kursî Mahmut Altunî zî venga pêro keyeyan û kurdan da ke wa tewrê dersanê kurdkî bibê.