Bielefeld de seba domananê Mexmûrî konserêk ame organîzekerdene. Konser roja şemeyî ame kerdene û tede hunermend Nîzamettîn Ariç, vîyolonîste Nurê Dilovanî û gîtarîst Alexander Zerning vejîyayî sehne.

Destpêkê konserî de qurbanê Qirkerdişê Hanau ameyî yadkerdene. Berpirsîyara Înîsîyatîfî Emîne Gozen pare kerd ke ameyîşê konserî seba domananê Mexmûrî do bêrê erşawitene. Gozene bale ante ambargo û meseleyanê Mexmûrî ser û dayîya zanayene ke înan dest pê kampanya kerd. Gozene ard ziwan ke înan heta nika hetkarîya 50 domanan kerde û hema zî 250 domanî pabeyê hetkarîya înan ê. Salona konserî de fotografê domananê Kampa Mexmûrî zî ameyî mojnayene û bexş ame waştene.

Kampanyaya seba domanan rîpelê www.initiative-kurdistan.org de dewam kena.