Jîn Art Hunerî semtê Basmane yê qezaya Konakî yê Îzmîrî de, Dêrê Azîz Vukolosî de konserêkê dengbêjan kerd. Konser de Kerîmê Jîrkî, Mesûd Gever, Adıl Bêrtî, Mele Seyîtxan, Ridvanê Fafî û Eylule Nazlîer vejîyayî sehne ser. Salona konserî dekerde bîye û xeylêk kesî zî paye ra mendî. Wekîla Partîya Çep a Keske ya Îzmîrî Burcugule Çubuk zî beşdara konserî bîye.

Destpêkê konserî de hunermend Mesûd Geverî qisey kerd. Geverî bale ante girîngîya kulturê dengbêjîye ser û vat ke vurîyayîşê tarîxê kurdan de kulturê dengbêjîye wayîrê rolêkê girîngî yo. Geverî venga pêro kurdan da ke wayîrê dengbêjîye vejîyê.