Têgêrayîşê Cinîyan ê Kurdan ê Fransa (TJK-F) çarçewa çalakîyanê 8ê Adare de pêramotişêk serûber kerd. Pêramotişê 'Destê ma serê mîyaneyê ma de yo' yê Asliye Fîlîz Merkezê Komelê Demokratîkî yê Kurdan ê Parisî de bi resepsîyonêkî dest pêkerd.

Pêramotiş derheqê dej û têkoşînê cinîyan ê kurdan de yo. Asliye Fîlîz îfade kerd ke a xebata xo de derheqê tarîxê Mezopotamya, tarîxê kurdan û mîtolojî ser de vinderta. Fîlîze vat: ''Ma sey cinîyanê Kurdîstanî hem vera tedaya komelî hem zî vera tedaya dewlete xo ver danê. Mi waşt ke ez dej û heskerdişê ma bi rengan veja werte.''

Pêramotiş do heta 10ê adare Merkezê Komelê Demokratîkî yê Kurdan ê Parisî de dewam bikero.

TJK-F 6ê adare de heman ca de şayîya cinîyan do serûber bikero û 8ê adare de zî do vejîyo meydanan.