Bi wesîleya 27ê Adare Roja Tîyatroyî ya Dinya Teatra Jiyana Nû, Tîyatroyê Şaristanî yê Amedî, Tîyatroya Mencel û Tîyatroyê Yekta Hêvî mesajêko hempar weşana.

Dezgehanê tîyatroyî mesajê xo de pare kerd ke tîyatro kokanê merdimîye ser o zîl dano û ame vatene ke tîyatroyê kurdî mîyanê tîyatroyanê dinya de wayîrê cayêkê taybetî yo ke hîkayeya kurdan ano ziwan. Mesaj de bale ameye antene Sînemaya Amûde ya ke tede domanê kurdî ameyî vêşnayene, Helebçe ser. 

Dezgehanê tîyatroyî da zanayene ke semedê vîrusê Korona  ra emser ê 27ê Adare keyeyê xo de fîraz kenê. Hetê bînî ra dezgehan ard ziwan ke vîrus rîyê şerê merdimîye yê vera xozayî vejîya werte. Mesajê dezgehanê tîyatroyî bi na cumle qedîyeno: ''Bi hêvîya rojan ê azadan ke bê tîyatro nêmanê. Roja Tîyatroyî ya Dinya ma pêroyînan rê fîraz biba.''