Ronayoxêkê Merkezê Komelê Mezopotamya (MKM) û Serekê Komeleya Kultur û Hunerî ya Dîcle-Firatî Celal Ekînî derheqê xebatanê înan ê Newroze de ANFyî rê qisey kerd. 

Ekînî pare kerd ke MKM ronayîşê xo 1991 ra nata bi hunerê xo seba berzkerdişê erjanê têkoşînê azadîye xebitîyeno.

Ekînî da zanayene ke hayîya MKMyî pê tarîxî esta û vat: ''Ma pêro prosesî nêzdî ra teqîb kerdî. Ma tim xo seba Newrozan amade kerd, deyîrî bi coşî girseyan reyde vatî. Komê ma yê sey Koma Azad, Koma Çiya û Koma Amed xo mîyanê MKMyî de bi ruhê Newroze awan kerd. MKMyî tim kerd ke Newrozan de coşê şarî rê bibo cewab. Şarê kurdî bi na têkilîye pê deyîr û kelecanê xo vurîya esasê ruhê Newroze ser.''

Ekînî îfade kerd ke çalakîya Mazlûm Doganî rol û mîsyonî kerdî milê şarî û vat: ''Şarê Amedî 20 serran ra zêdêr o waran de Newroze fîraz keno. Nê çî sînorê Amedî derbaz kerdî û hînî teberê welatî de zî seba beşdarîya Newroze seferî yenê kerdene. Verî 15 yan zî 20 hezar kesî tewrê şayîyan bîyêne nika bi mîlyonan kesî. Ma hêvî kenê ke her kes goreyê ruhê Newroze û ruhê erjanê têkoşînî xebatan bikerê û bikewê mîyanê prosesê berardişî.''