Ayhan Erkmen 1973 de qezaya Dîgorî ya Qersî de bajarekê Bazarcixî de dadîya xo ra bîyo. Dima ke Fakulteyê Huqûqî ra mezûn bîyo Erkmenî 4 serran avûkatîye kerde. Erkmenî 2011 de wexto ke şaredarê Bazarcixî bi tepişîya.

Ayhan Erkmen estanikan ser o xebitîyeno, hem estanikan nuseno hem zî bi fekkî pare keno. Erkmenî ANFyî rê qala xebatanê xo kerde. 

Ayhan Erkmenî vat: ''Mi estanikî nuştêne û mi do sey kitabî ê çap bikerdêne. Dima mi bire daye ke torranê medya ser o nînan vila bikera çunke merdimî zafêr nê torran teqîb kenê. Mi youtube ser o estanikê xo vatî. Ney bala merdiman ante û ez motîve kerda. Bi nê hawayî maceraya min a çîrokbêjîye dest pêkerde. Bernameyanê min ê çîrokbêjîye de xeylêk ciwanî estê, nê ciwanî vera persan persenê, meraqdar ê. Coka ez çîrokbêjîye ra hêvîdar a. 

Her dengbêj çîrokbêj o la her çîrokbêj dengbêj nîyo. La mîyanê nînan de tim yew têkilîye esta û wurdî zî aîdê edebîyatê fekkî yê. Dengbêj û çîrokbêjan warê neqlkerdişê kultur, ziwan û tarîxê kurdan de rolê pîlî kay kerdî. Estanikî kenê ke vîr û hişmendîya komelî gandar bibê. Estanikî ruhê komelî yê.''

Erkmenî da zanayene ke hîmî merdimî ci rê estanikan şawenê. Erkmenî teda û zorbazîya vera kurdan viste vîrî û vat: ''Teda û zorbazîya serdestan kerd ke tarîxo fekkî, kulturo fekkî, edebîyato fekkî mîyanê kurdan de vila bibê û xurtêr bibê.''