Bienalê Berlinî yê 11. yo ke rîyê Korona ra peyde amebi eştene ewro ame destpêkerdene. Bienalî ke aktîvîteyanê tewr pîlan ê Ewropa ra yew o, di serran de rayêke yeno kerdene. Bienalî ke heta teşrîna peyêne do dewam bikero de emsere xeylêk welatan ra  eserê nizdê 50 hunermandan yenê pêramotene.

Nê hunermendaran ra yewe zî hunermende Zehra Dogan a. Dogane gama ke JÎNHA de xebityayêne temmuza 2016î ameye tepiştene û heta sibata 2019î de zîndanan de mend. Dogane bi romananê xêzkerdeyan qala rojanê zindanî kerdbi.

103 xêzê  Zehra Dogan yê orjînalî do çarçewa Bienalê Berlinî yê 11 de bêrê ramotene. Înstîtuteya KWyî ya ke hîrê adresanê bienalî ra yew o  de xezê Dogane ke qala xoverdayîşê zîndanan kenê  yenê ramotene.

Naye ra verî zî xêzê Dogane  par New York de  aktîvîteya 'Sey xoverdayîşêk huner'î ya ka qala hunermandanê ke zîndanî de yê kena, de ameybî ramotene.