Kolektîfê Sînema yê Mezopotamya derheqê Festîvala Fîlmanê Kurdan a Îstanbulî ya 2. de ke mabênê 24-29ê adare de do bêra kerdene  4ê adare de kombîyayîşê çapemenîye kerd.

Kolektîfî ra Adar Taşî eşkerayîya amadekarîyan wende û da zanayene ke sînemaya kurdan raştê xeylêk zehmetîyan û tedayan yena û vat: ''Ma hêvî kenê ke festîvala mi sînemaya ma rê biba hêvî.''

Taşî vist vîrî ke 2019 ra nata rîyê janê Korona ra ê nêeşkabî festîvale bikerê. Taşî pare kerd ke festîvala diyîne de 28 fîlmî do bêrê mojnayene û ê nêzdîyê 5 mengî yo amadekarîya festîvale kenê.

Taşî vat: ''Dîrektorê fîlmî zî do tewrê festîvale bibê. Festîvale bi filmê kurdanê êzidîyan do dest pêbikera û konserêk do bêro dayene. Sînemagerê kurdî zî do çarçewa festîvale de forumêk virazê û meseleyanê sînemaya kurdan ser o qisey bikerê. Ma pabeyê pêro heskerdoxanê sînema û şarê xo yê.''