Festîvala Fîlmanê Kurdan a Berlinî 14ê teşrîna verêne de pê fîlmê 'Ezmûn'î dest pêkerde.

Çarçewa festîvale de 40 fîlmî do bêrê mojnayene û workshopî zî do bêrê kerdene. Festîvale emser do giranîye bida bêusûlîyanê Başûrî ser. Fîlmê Ezmûnî zî qala karan ê bêusûlan kena. Dîrektorê fîlmî Mehmet Aktaşî ard ziwan ke karê bêusûlî her cayê Başûrî ra vila bîyê la bi taybetî perwerde de zaf giran ê.

Kaykerdoxa sereke ya fîlmî Avana Jamal promîyerê Berlinî de qala karaktera xo Şîlane kerde. Jamale vat: ''Wexto ke mi xo nê rolî rê amade kerdêne xoverdayoxanê Rojawanî fikirîya. Xeyalê min o ke ez rojêke rola şerwanêka YPJyî kay bikera.''

Sere de Vakur û Başûrî ra çar parçeyanê Kurdîstanî ra xeylêk kedkarê sînema tewrê festîvale bîyî. Mîyanê înan de bi taybetî kedkarê sey Mustafa Altioklar, Şevket Amîn Korkî, Leyla Toprak, Hayko Bagdat, Bariş Seyîtvan, Elîfe Yîgît, Mîraz Bezar û Gule Ertunan Karaaslan bala ancenê.