Şaristanê Merîwanî yê Rojhelatê Kurdîstanî de Festîvala Mîyanneteweyîye ya Tîyatroyê Kuçeyî ya 15. dest pêkena.

Komîteya Amadekarîye pare kerd ke festîvale ewro saete 17:00 de Parka Şanoyê ya Merîwanî de do dest pêbikera. Xeylêk waranê Rojhelatê Kurdîstanî, Îranî û welatanê bînan ra hunermendî do tewrê festîvale bibê.

Festîvale 6 beşan ra yena meydan; Serbest, Ayînî, tewirê bînî yê pêşkêşkerdişî, doman û ciwanî, taybetî, weçînayîşê merkezê festîvale.

Tewr tay 31 berhemî festîvale de do bêrê pêşkêşkerdene. Festîvale do heta 1ê teşrîna peyêne dewam bikera û her beşî de xelatî do bêrê dayene.