Îdarekar Alî Kemal Çinarî vizêr hesabê xo yê twitterî ser o pare kerd ke ey fîlmê xo yê bi nameyê ''Di Navberê De'' (Mabên De) youtube ser o bi hawayêkê bêpereyî seyrkerdoxan rê akerd. Çinarî verê cû zî fîlmê xo yê ''Gênco''yî înternet de vila kerdbi. Fîlmê Gêncoyî qala çêrêkê ''superî'' keno.

Fîlmê ''Di Navberê De'' zî  qala Osmanî keno. Osman eşkeno kurdkî fam bikero la nêeşkeno qisey bikero û eşkeno tirkî qisey bikero la nêeşkeno tirkî fam bikero. Senaryoyê fîlmî zî hetê Alî Kemal Çinarî ra nusîya. Fîlme de Osman Çinar, Fatoşe Yildiz, Îhsan Şakar, Gulbîne Bozan û Seyîthan Çinar kay kenê.

Fîlm hewteyêk youtube ser o do bêro mojnayene.