Dîrektor Kazim Ozo ke rojanê Korona de  fîlmê xo  yê “Çinara Sipî”, “Son Mevsim Şavaklar” û  “He Bu Tune Bu” bi heskerdoxanê sînema platformê medyayo dîjîtalî de pare kerdî na rey zî  semedê çar rojanê qedexeyê tebervejîyayîşî fîlmê Zerî ra pare kerd.

Kazim Ozo ke bi filmê xo yê “Bahoz” ame naskerdene heta nika morê xo da binê xeylêk xebatan ro. Fîlmê Zerî qala hîkayeya ciwanêkî yo ke gêrenê nasname û xobîyayîşê xo û  raywanîya xo yê Dêrsimî de zaf çîyanê neweyan museno kena. Fîlmê Zerî ke festîvalanê mîyanneteweyî de xeylêk xelatî girewtî hetê Wezîrîya Kulturî ya Tirkîya ra tay qismê ci raştê sansurî ameybî.

Şima tîya ra eşkenê fîlmî peyda bikerê.

Lînke Vimeo: https://vimeo.com/kazimoz/vod_pages…

Şifre: corona