Gerîla Sara Xebat Garzan de şehîde bîye

HPGyî da pêhesnayene ke gerîlaya YJA Starî Sara Xebat 14ê temmuze de Garzan de şehîde bîya û merdimanê ci û şarê welatperwerî yê Kurdîstanî rê serweşîye waşte.

Merkezê Îrtîbatî û Çapemenîye yê HPGyî da pêhesnayene ke gerîlaya YJA Starî Sara Xebat 14ê temmuze de Garzan de şehîde bîya û nê pare kerdî:

''214ê temmuze de warê Nizarê Azê yê qezaya Xîzanî ya Bedlîsî de operasyonê dişmenî de mabênê hêzanê ma û îşxalkeran de pêkewtişê granî qewimîyayî. Nê pêkewtişan de 2 îşxalkerî ameyî cezakerdene û 3 îşxalkerî birîndar bîyî.  Hemraya ma Saraya ke nê pêkewtişan de heta nefesê xo yê peyênî pê hewayêkê qehremankî şer kerd, seba ke sey esîrî destê dişmenî mekewo bombaya xo teqnaye û tewrê kerwanê şehîdan bîye.

Nasnameyê  hemraya ma Saraya ke şehîde bîye wina yo:

 

Nameyê Qodî: Sara Xebat

Name û Peyname: Leyla Yildizgorer

Cayê Bîyayîşî: Şirnex

Maye-Pî: Azîme – Mustafa

Tarîx û Cayê Şehadetî: 14ê Temmuz a 2022yî / Garzan

 

Hemraya ma Sara dewa Hewlerî ya Cizîra Botanî de yena dinya û bi kulturê welatperwerîye bena pîle. Dewijê Hewlerî rîyê welatperîye ra zaf rey raştê zextê dişmenî yenê la çirey verê zextan de milê xo çewt nêkenê. Coka dewleta tirke ya îşxalkera dewe vêşnaya.  Hemra Sara pîya bi keyeyê xo bare kena şina Cizîre. Gama ke dest pê mektebî kena polîtîkaya asîmîlasyon û qirkerdişî ya dewlete dahîna rind fam kena.

Hemraya Ma Sara 2013 de verê xo dana koyanê azadan ê Kurdîstanî. Hemraya ma Sara tewrbîyayîşê gerîlayan sey newe ra bîyayîşî name kena û xebatanê  şorişî de wezîveyanê xo bi serkewtişî ana ca û hetê embazanê xo ra zaf yena heskerdene.

Ma sere de keyeyê ercîyayeyî yê hemraya xo Sara heme şerê Botanî û şarê welatperwerî yê Kurdîstanî rê serweşîye wazenê û soz danê ke ma do waştişê şehîdanê xo bîyarê ca.''